ഫാസ്റ്റ് &ഫ്യൂരിയസ് 

          രാത്രി 12 മണിയോടടുത്തപ്പോൾ അവൻ (പുതു)ലോകത്തേക്കുള്ള കവാടം തുറന്ന് പുറത്തു വന്നു.

          2 മണിയോടെ കംബ്യൂട്ടർ വിദഗ്ദൻ ജാതകവുമായി വന്നു.

          5 മണിയോടെ രാജ്യത്തെ എല്ല പ്രൈവറ്റ് സ്കൂളുകളുടെ ലിസ്റ്റു തയ്യാറായി, ഏറ്റവും കൂടുതൽ ഫീസ് ആവശ്യപ്പെടുന്ന സ്കൂൾ തെരഞ്ഞെടുക്കപ്പെട്ടു.

          7 മണിയോടെ പൊന്നരിഞ്ഞാണത്തിനു പകരം മുന്തിയ അടിവസ്ത്രവും ബെല്റ്റും അവന്റെ അരയിൽ ഇടം പിടിച്ചു.

           ആശുപത്രി മുറ്റത്ത് ഒരു AC സ്കൂൾ ബസ്സ് വന്നു നിന്നു.അമ്മ അവന്റെ കഴുത്തിലെ ടൈ മുറുക്കി അതിന്റെ അറ്റം ബസ്സിലെ ജോലിക്കാരന്റെ കൈയിൽ കൊടുത്തു.

           വൈകുന്നെരം ഒരു ആഡംബരക്കാറിൽ അവൻ ജോലി കഴിഞ്ഞ് ഫ്ലാറ്റിൽ വന്നിറങ്ങി.